海洋公园全新动物展馆“小狐獴与大象龟之旅”喺7月1号已经开放畀游客参观喇！新展馆当然唔少得有新动物加入，有源自非洲慨动物朋友狐獴同亚达伯拉象龟正式进驻海洋公园！海洋公园依家有两个唔同慨狐獴家族，唔知大家又分唔分得出呢？考吓大家先～知唔知点解狐獴会有黑眼圈慨呢？唔通佢哋唔够瞓？其实佢哋慨黑眼圈就好似天然慨太阳眼镜咁，令佢哋唔怕阳光刺眼，保护眼睛，咁样佢地就可以时刻留意住周围慨情况啦！
▲狐獴最锺意群体活动，所以会经常见到佢哋一齐出没！
▲唔好以为佢有黑眼圈系唔够瞓，其实系保护紧对眼！
另外仲有2只亚达伯拉象龟，佢哋一日要瞓18个钟，要睇佢哋精精神神就要睇运气啦～大家又知唔知大象龟条颈咁长，可以帮助佢哋做咩呢？其实佢哋伸长条颈兼撑起全身，离地面一米慨植物佢哋都可以食到架！为咗食，条颈可以伸到好尽！
▲一日要瞓18个钟，都几识叹～
展馆采用环保设计，日头主要用自然日光，减少使用电灯之馀让访客有亲近大自然的感觉。另外，展馆内亦设有唔少打卡位同互动设施，大人细路除咗可以同小狐獴家族合照、一齐爬入大象龟壳以最佳角度拍摄全家褔，仲可以大玩“非洲短跑邀请赛”互动游戏同睇“小红熊非洲之旅”电子书等，启发大小朋友更加关心大自然同时学动物知识。
▲互动电子书：展馆加入五本互动电子书，系小红熊喺非洲之旅期间撰写，日记以生动有趣慨方式让小朋友认识更多狐獴和象龟的有趣知识。
▲非洲短跑邀请赛：大家可以和非洲不同的动物来个短跑比赛，透过感应式装置，记录大家慨跑速，唔知您又快唔快得过身手敏捷慨狐獴呢？
▲亚达伯拉象龟壳模型：有无谂过点解龟成日要伸长条颈，小编觉得好可能系要睇清楚岀面世界系点！大家可以走入象龟慨龟壳里，以象龟慨视点看世界。
▲唔讲唔知！原来狐獴家族成员都会轮流当值做哨兵，一旦发现威胁就会以不同慨叫声通知同伴。狐獴非常醒目，做得哨兵当然要企高啲望远啲啦！今次展馆更将狐獴成日站岗慨白蚁丘打造成模型，让大家了解白蚁丘结构和狐獴不同慨叫声。
有新动物朋友，当然唔少得有佢哋慨精品啦！访客仲可到访OPX体验店，以非洲服饰造型慨“威威与好友”图案制作自订礼品，更可制作独一无二个人化故事书，记录非洲历险体验。参加者只需要依照指示拍摄五至七张相片，约30分钟后，相片就会与“威威与好友”一同活现系故事书上，经历有趣情节齐齐做主角！
▲“威威与好友”都换上非洲服饰造型。
▲点少得新朋友慨精品呢！
▲仲有新出慨主题餐饮都唔可以错过啊！
依家仲有超抵港人尊享优惠，即日起至7月31日，购买海洋公园成人门票只需要$350，仲即送$350 园内现金券，可以喺园内指定小食亭、餐厅及精品店使用，小朋友同长者更可免费入场架！记住啊！7 月 25 日至 8 月 31 日慨入场名额会喺7 月 10 日开始网上预约，记得唔好错过啦！
网上预约：https://bit.ly/326ixTb
文字来源 ：香港人游香港 / 图片来源：香港海洋公园
The post 主题公园：【海洋公园全新展馆“小狐獴与大象龟之旅”打造好玩保育旅程！】 appeared first on 香港人游香港.
本文来自香港人游香港系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！