台中小店专卖水果雪花冰！会定时推出一啲特别口味！

今次介绍台中呢间小店专门卖雪花冰系标榜无添加制作，有多款口味提供，包括季节性限定水果、花生、芝麻、抹茶、星巴克咖啡口味等。如果唔岩口味都唔紧要，客人可以客制化自己想要既配料同冰既口味。呢间小店位置距离丰原最出名既庙东夜市行过去好近，有机会去行庙东夜市不妨扫完街食番个冰降下温！

▲火龙果牛奶冰(新台币139): 呢个雪花冰系牛奶口味，倒上火龙果站，旁边仲有一粒粒既火龙果肉同埋珍珠，成个冰好香火龙果味。

▲芒果牛奶雪花冰(新台币180): 呢个口味相对上普通左啲，冰系芒果牛奶味，上面仲有一球芒果雪糕，简直系芒果迷必食。

▲榴连忘返雪花冰(新台币239):最近推出左每日100份既榴连雪花冰，冰底系用泰国榴连果肉制成，唔怪得个冰食落去好重榴连味，仲食到榴连肉。最特别系用榴连皮黎黎装住啲冰。

▲珍珠奶茶冰(夏天期间限定 新台币120): 呢个冰底系用锡兰奶茶制成，好香奶茶味，仲会跟埋几块饼干同一球雪糕。珍珠食落去都好弹牙，食呢个冰果阵好似饮紧杯珍珠奶茶！

▲草莓雪花冰: 呢个比起其他口味更为普通，有劲多粒士多啤梨系个冰入面！

严雪 雪花冰专卖店

地址：台中市丰原区信义街28-1号

营业时间：12:00-22:00

电话：(04)2524-1940

文字来源：香港人.游香港／图片来源：@chuneco、@greedy_little_witch、@ yansnow_ice

这篇文章 游台湾美食：【台中小店专卖水果雪花冰！会定时推出一啲特别口味！】- 严雪 雪花冰专卖店 最早出现于 香港人游香港。