台中超萌西饼店！蛋糕可爱到唔舍得食！

台中一向都好多文青Cafe，今次介绍既呢间Cafe系专卖一啲可爱动物造型蛋糕，每逢一啲节日都会有特别款式推出添！呢间初初开店果阵一个星期后已经登上“网红蛋糕店”，家阵仲推出埋刺猬榛果蛋糕，令到唔少人都特登黎打卡。呢间店每日会有6款蛋糕限量供应，人气蛋糕除左有新出既刺猬榛果蛋糕，仲有富士山造型蛋糕、蜜兔，全部蛋糕都睇得又食得！

▲蜜兔: 其实呢款蛋糕系杏桃＋茉莉花慕斯搭配白蜜桃冻、白朱古力脆饼同埋梳乎厘蛋糕，一个价钱可以食到唔同口味同口感既甜品！

▲炼乳草莓塔: 切开最上果粒圆形脆皮会流炼乳出黎，配埋草莓培食好夹，酸酸甜甜！

▲刺猬榛果蛋糕: 老板用左个特殊模具用巧克力制成刺猬既外型，真系得意到唔舍得食啊！而蛋糕入面系自制的焦糖榛果果酱、榛果慕斯、榛果酥脆同榛果蛋糕，绝对系榛果迷必试！

▲百香小天使:小天使其实系泡芙黎既，上下有两粒泡芙，而泡芙内馅系卡士达酱百香果奶油，食落去有啲酸香，好特别！

▲MOJITO柠檬塔:上层既奶油搭配柠檬甘纳一齐食有种食紧雪糕既口感，而底层就是平时食柠檬塔既感觉，酸酸甜甜。

▲富士山造型蛋糕: 呢个蛋糕其实系抹茶慕斯，采用左丸久小山园若竹抹茶粉，切开蛋糕里面仲会有黑糖紫米红豆馅。

花火甜点工房

地址:台中市北屯区热河路二段222号

营业时间:星期二至日 13:00-21:00

电话:042247576

文字来源：香港人.游香港／图片来源：@joyce_214086、@joyce_214086、@illyandy、@oo.o.93、@beardansciel、@i.jie_c

这篇文章 游台湾甜品：【台中超萌西饼店！蛋糕可爱到唔舍得食！】- 花火甜点工房 最早出现于 香港人游香港。