黎到大阪想去下啲近郊地方，不妨考虑下有马温泉两日一夜

日本各地好多温泉乡，每个温泉主打疗效、特色都不一样，而今次介绍既有马温泉系日本三大古泉，以金之汤、银之汤、太阁之汤三种泉质为主！金汤颜色呈现金橙色，系属于含铁的盐化泉，非常特别，功效系有高度保洁效果，舒缓疲劳。银汤汤泉系碳酸泉，功效系可以加强血液循环、促进新陈代谢及消除水肿。有机会黎大阪既话，不妨用一日半时间黎去下近郊，浸下温泉休息下！

▲交通方便可以从梅田巴士站(大阪)或新大阪站搭巴士到有马温泉，班次相对上都较密，车程约一个钟，每日有18班车开往有马温泉。如果唔想研究点搭JR同埋想方便啲，不妨考虑搭巴士！单程售价1370yen。

▲一到埗就见到第一间炭酸饼排紧队买，100yen有三块，即制好热好脆！不过有注意系有限度供应，过左果个时间就无得买嫁啦。

▲附近有条河流，有唔少人都会系度浸脚降下暑。

▲有马温泉最出名系金汤同银汤，如果无订到温泉旅馆既话可以去公众浴场试下浸，而呢个金汤有一个位免费比人足汤。

▲有马温泉有好多炭酸做既手信，一场黎到不妨买啲番去做手信。

▲呢间系有马温泉好出名！系食吉列牛薯饼，有一款系250yen吉列神户牛薯饼，劲好食！好似食紧神户牛汉堡排咁！

▲炭酸疏打水(250yen)+吉列神户牛薯饼

▲呢度仲有炭酸温泉镘头都好出名！个皮劲脆入面系红豆蓉作馅。

▲即整Mochi煎饼。

▲有马御苑深受日本人同旅客欢迎，系agoda度都得到好高分，有金汤同银汤温泉浸，而晚餐都可以食到神户牛，最重要系好部商店街同埋巴士站。

▲日式风格装修，主要系塌塌米，食晚饭时员工会帮客人铺床被。

▲订房时可选购和牛火锅／烧和牛排，一set set好精致。

▲有马御苑金汤(由于唔可以影相，所以相由booking.com揾)

有马温泉

交通方法: 搭JR／巴士直到有马温泉

文字来源／图片来源：香港人.游香港

这篇文章 游日本：【黎到大阪想去下啲近郊地方，不妨考虑下有马温泉两日一夜】- 有马温泉 最早出现于 香港人游香港。