游台湾：【文青必游赤峰街！必逛日系文创/精品cafe小店！】- 赤峰街

位于捷运“中山站”同“双连站”之间既赤峰街，本身系旧区，近日却成为文青至爱后花园，因为短短一条街就进驻左多间特色小店，日系文创、精品咖啡店、蛋糕店、早午餐店、衣服饰品等等，令呢条街新旧小店交错，别有一番味道。今次就同大家介绍几间高质小店，趁著佢而家岩岩兴起，快d约埋闺蜜逐间去打卡chill下，扮下文青，过番个悠闲既下昼啦！

小日子 赤峰店　

小日子本身系由独立杂志起家，后来发展到实体店，卖杂志、卖咖啡、卖文创小物、更卖生活品质同品味！由门口位就走纯白简约风，配以原木色调，颇有日系味道！里面卖既周边文创商品、服饰等等都走简约文青风，设计细腻又可爱，更有同多位台湾本地设计师合作，致力推动台湾本土文化，将日常生活带入设计中！

▲位于赤峰街既小日子，门口位以纯白色设计，简约又有文青风格，系打卡热点！

▲小日子所贩卖既文创商品种类多不胜数，而且非常支持本土创作文化产业，系度可以揾到好多台湾本地设计师既作品，精致又有疗愈感！

▲呢度同时提供精品咖啡、特色饮品、MOJITO等等，令人可以系繁忙生活中停下来，好好享受一杯静静既时光！

小日子 赤峰店

地址：台北市大同区赤峰街22号

电话：02 2366 0294

时间：11:00~21:00

心地日常

另外一间系街角既小店，同样以纯白色外墙吸引途人目光，望落去似乎又系一间走简约风既生活杂货同文青小食，但其实内有干坤！穿前面卖文创小品区，隐藏系小店最里面既其实系卖冰品的！呢度既招牌只有两款：桂花蜜酒酿雪花冰(冻)、桂花酒酿蛋甜汤(热)。酒酿系每日限量手工制作的，蒸熟左糥米再加入酒麹发酵而成，带有淡淡酒香，无论加入雪花冰定热既蛋甜汤都好夹！用桂花酒酿雪花冰真系第一次见，雪花冰本身有淡淡奶香味，加埋桂花蜜既香甜非常天然，食落非常清甜！天气冻既时候可以选热既蛋甜汤，同样有特色！

▲位于街角既心地日常，纯白简约外墙甚有文青风格，但除左卖文创商品，里面其实系卖特别冰品的！

▲招牌“桂花蜜酒酿雪花冰”味道天然清新，淡淡桂花蜜够清甜，再加入左手工制作既酒酿丸子同糯米，口感丰富！

▲冬天既话可能选择“桂花酒酿蛋甜汤”，酒酿丸子由浸泡到蒸煮到发酵过程，制作过程繁复但真材实料，再加埋糯米口感软糯，冬天饮番碗真系暖身魰满足！

▲除左招牌，小店都会研及新品，好似呢款“三种料白玉黑芝麻雪花冰”都够晒足料！仲有抹茶红豆雪花冰、杨枝甘露酒酿雪花冰等，随著季节不同研发时不同款式，相当有心思！

心地日常

地址：台北市大同区赤峰街71巷2号1楼

电话：02 2558 8695

营业时间：12:00-19:30（逢周一休息）

桔梗炖饭

大家对个名系米有ｄ熟？无错，佢就系前排黎香港开左间“桔梗”而成为超HIT打卡CAFE既始祖！“桔梗”发迹于台湾，本身叭系卖三文治，后来仲开埋餐厅添，主力做炖饭！多款炖饭创意十足味道又出奇地夹，例如罗勒坚果奶油鲑鱼、松露威士忌蓝莓。亦有招牌款例如花雕奶油鸡、蕃茄松板猪等等，炖饭煮得湿润又入味，仲可以加钱升级做套餐，有埋面包、沙律同招牌奶昔！而餐厅内部都雅致温馨，用左好多干花点缀，无论每个角落定食物都岩晒打卡，最岩行完赤峰街黎食番个满足既晚餐！

▲小店门口简洁明亮，同样走小文青风格，内部都同样温馨舒服！

▲主打多款炖饭，每款都加入左温泉饭提升味道！仲加左藜麦、番茄同蔬菜添，够晒健康！

▲奶昔都系佢地既主打，用左野莓做TOPPING，奶昔酸甜浓厚，口感丰富又健康！

桔梗炖饭

地址：台北市大同区赤峰街87号

营业时间：12:00-20:00

电话：02-2555-0355

时饴 Approprié

本身系IG网红店，专卖千层蛋糕！而家仲开左实体店坐落赤峰街，人气依然有冇减！佢特别在于纯手工制作，连饼皮都系人手煎，制作过程繁复，一日只系做到十个蛋糕左右，所以非常抢手！经典款香芋千层蛋糕落足料，厚厚既芋泥夹系22层既手煎饼皮中间，份量十足！仲有小山园抹茶、高山乌龙茶、伯爵茶千层等多款茶味千层，浓浓既茶清香，食落味道天然又唔会太甜，难怪可以成为少女们至爱！

▲经典芋头千层推出时引发疯狂搭抢购，旨因佢加入左香浓芋泥同22层人手制作既饼皮，真系少D心机都好难做到！

▲小店仲会不时研发好多新口味，例如将当季时令水果加入千层蛋糕，做成水蜜桃千层、草莓千层、乳酪无花果千层等等

▲小店空间细细，只摆到几张台，但简约创适，打卡一流！

时饴approprié

地址：104 台北市 中山区 赤峰街8巷22号隔壁(面对建成公园)

营业时间：13:00-18:00 (星期一、二休息)

电话： 0909 611 695

_____________________________________________________________________________文字来源：香港人游香港／图片来源：IG

这篇文章 游台湾：【文青必游赤峰街！必逛日系文创/精品cafe小店！】- 赤峰街 最早出现于 香港人游香港。