游台湾：【新北圣诞灯城8大打卡位！梦幻灯海隧道】- 新北耶诞城

每年圣诞全台湾最具规模最盛大既“新北耶诞城”又返黎啦！位于板桥既“新北耶诞城”横跨板桥车站到新北大楼一带，多个梦幻灯海隧道、光雕灯饰、圣诞树等等，形成多个主题灯区！其中有八大打卡位你一定要知！

打卡位一：雷射光雕圣诞树

板桥市民广场树立左一座独特既“圣诞树”，利用左3D光雕效果，投影出丰富既视觉效果！灯光SHOW范围仲伸延到旁边既板桥车站同新北大楼，营造出全方位、多层次既立体环回灯光效果！

▲“耶诞主灯秀”以3D光雕效果，投影丰富视觉效果，营造出梦幻圣诞气氛～

打卡位二：紫恋光廊

讲到浪漫就一定唔少得浪漫既灯光隧道！呢条超梦幻既灯光隧道，用左数以千计既紫色小灯泡整成，灯泡仲系蒲公英形状添，浪漫飘扬！

▲短短既隧道用左数以千计既小灯泡，打造成紫色梦幻灯海～

▲再近睇Ｄ原来灯泡系做成蒲公英形状，就好似雪花飘落咁

打卡位三：变色光廊

除左紫色隧道，通往另一主题区“深海奇缘”既另一条隧道，就用左变色灯光效果！Tiffany blue同金黄色灯光轮流转换，令人有置身于梦中既错觉！

▲Tiffany Blue将成个隧道染成淡蓝绿色

▲仲未黎得切影，灯光就已经渐渐换成金黄色，气氛一下子由浪漫变成温馨，打卡一样咁靓！

打卡位四：深海奇缘

另一主题区以深雪奇缘为题，呢度以海洋蓝色为主调，有造型独特既立体海洋同冰柱光廊！利用灯光变色效果，营造出立体同动感既海浪！

▲呢座造型独特既灯饰，其实系想营造海浪既感觉，随著颜色转换，就好似海浪拍打埋黎一样有动感！

▲系天桥上垂坠既冰柱，好似雪花，令呢个冰柱光廊顿时变成极寒地区一样，好有气氛！

打卡位五：魔法森林

位于站前广场既魔法森林，有一颗六公尺高既大树，营造沐浴于森林既畅快同动感！树上既光影变化，令大树充满生命力！

▲呢个造型独特既大树，仲有垂吊既星星，好有生命力！

▲呢颗其实好似一颗圣诞许愿树，充满神奇感！

打卡位六：缤纷海洋泡泡

用左无数以蓝色为芣调既小灯泡，营造出缤纷海洋既感觉！

▲系天桥上垂吊左无数小灯泡，抬头就可以见到一片蓝绿海洋！

打卡位七：光影迷宫

系广场另一边就有用多个盒子做成既光影迷宫，上面仲画左好多童趣既画，小朋友一定玩得好开心！

▲光影迷宫用左灯光科技融合左绘画艺术，营造出大型迷宫原场，奇趣特别！

打卡位八：旋转木马

圣诞浪漫之最又点少得旋转木马！配以白马同灯光，童年回忆返黎啦！

▲旋转木马大人细路都爱，浪漫打卡就最岩！

新北市欢乐耶诞城

地点：新北市市民广场 X 板桥车站站前广场 X 万坪公园

日期：2019.11.15~2020.1.1

时间：17:30 22:00 逢整点及半点钟准灯光秀

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

文字来源：香港人游香港／图片来源： Instagram

这篇文章 游台湾：【新北圣诞灯城8大打卡位！梦幻灯海隧道】- 新北耶诞城 最早出现于 香港人游香港。