睇日剧或者电影都见到，日本人喺屋企食饭通常都食得几清淡，一碗饭旁边仲有几个细兜放自己份量慨𩠌同埋一啲渍物咁。MUM日常野菜料理系一间食日式家常饭慨餐厅，不过佢哋就将食物转晒做素菜，本来日本料理都唔算好重口味，配埋素食慨话，可以当系香港人日常大鱼大肉慨一啲调剂。
不过呢个小店系喺佐敦一间酒店入面慨Food Court其中一间餐厅，平时行过都未必会醒起入面有间素食店， 但对于好多全素食者嚟讲可能食呢间餐厅都算系真正慨享受，毕竟香港都冇乜纯素餐厅。
▲ 自选三项定食配乌冬 ($115)： 食客可以自由挑选冷热菜式，再拣饭或乌冬作主食，套餐会附上味噌汤同麦茶。
▲ 自选三项定食配黄姜饭 ($100) ：如果唔想食乌冬都可以选择黄姜饭，唔似白饭咁单调，有味得嚟又健康。
▲ 信田卷 ： 信甜卷以腐皮包住多款蔬菜，爽口多汁又饱肚！
▲ 田乐豆腐 ：唔好以为系普通烧豆腐啊，田乐风味慨豆腐喺日本系家庭小食，每家每户都会食！
▲ 柚子醋渍番茄 ： 番茄浸过柚子醋，非常清爽而且草青味又唔会太重，可以话系醒胃前菜！
MUM 日常野菜料理
地点： 佐敦弥敦道380号香港逸东酒店LG楼8号铺
文字来源：香港人游香港 / 图片来源： @littlemissfoodaholic、@foodievez 、@ nikkihongkongnikki
The post 佐敦素菜：【Food Court都食到日式家庭料理 闹市中的一点素意】- MUM 日常野菜料理 appeared first on 香港人游香港.
本文来自香港人游香港系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！