旺角美食：【日本居酒屋文化旺角都有！叹饮清酒食串烧同刺身！】- 月．火凤烧鸟

今次介绍呢间旺角居酒屋同平时既居酒屋有啲分别，呢度既居酒屋营运概念系希望可以将日本文化带到香港，跟足日本居酒屋先饮酒后食串烧概念。呢度每个季节都会提供好多种类既时令酒比客人拣，最大既特色系每晚都会有一位驻场唎酒师在场，唎酒师会帮客人配搭180ml清酒同野食，例如酒量浅既客人会帮佢地配搭较无易醉既清酒。老板谂为好既酒要配搭适合既酒杯，因此呢度每款酒都有固定款式酒杯，同埋每款酒都有某种时令菜式配搭。呢度除左提供多款清酒外，食物质素都好高质嫁！呢度既食材大多都系日本直送到港，清酒配搭刺身或鲜鱼有种锄食既效果，因为清酒元素主要以米制成，配鱼食可以突出到其鲜味，清酒锄食呢种风味亦系老板想带到香港既一种文化。呢度无论装修、食物、清酒、气氛、服务都好高质，钟意清酒既你绝对值得一试！

▲花: 精选刺身拼盘(四点盛 $480): 刺身左至右分别系 深海池鱼、金目雕、吞拿鱼赤身同油甘鱼，刺身食得出好新鲜，唔会太劲雪藏味。刺身款式除左系因当时季节而定，亦都会睇当日客人拣左边款清酒再安排款式比客人。

▲ 清酒Cocktail: 店员大推呢款，由麒麟山+抹茶酒+苦艾酒沟成的，饮落去苦中带点甘味，呢款酒最岩再另配一d炸物食。

▲炸白虾($88): 炸到好脆，食落去咸味都够，唔会太淡而无味，呢款小食扲黎送酒一流！

▲时令秋酒配九曲烧杯，杯系老板系名古屋金泽买，而呢只酒系通常用作常温热饮，而酒既层次亦可以由冻饮到热饮，系一款纯清酒。

▲吉列广岛蚝 +自家制炸汁: 炸蚝一份有四粒，每粒都大大粒，炸粉唔算多，炸到好松脆！

▲汁煮南瓜: 食材既南瓜系由日本入口，煮到好林好入味，就算连南瓜皮都可以食埋。个汁系由日本酒+酱油+味醂(煮野食时用的清酒)煮成的，味道好特别。

▲串烧(左至右):鸡心$40、鸡胸软骨 $40、明太子酱免治鸡肉串 $48、鸡颈肉、鸡肾 $40。串烧食落辣辣地，因为落左七味粉烧，好惹味。

▲樱花虾炸豆腐($68): 炸豆腐上面有足够樱花虾，炸豆腐一共有四旧，每旧都入晒甜酱油味。

▲餐厅上层有36个座位，装修好靓好特别，系以塌塌米座位为主，呢度有时仲会举办一啲唎酒师活动，又或者可以包场搞品尝清酒活动，当晚会有七款唔同清酒锄食。装修较为日式╴希望令到客人由环境同气氛都好似身处在日本咁。

▲每晚都会有一啲特别同限量既菜式，厨师会帮手写系黑板上面，唔会系餐牌写出黎。主要系睇师傅系日本入左啲咩新鲜同特别食材，就会谂咩菜式，简称为每日时令菜。

▲铺头门口有投影射特唔同日本景色系墙上，小编今次去既系樱花景色。而墙柜入摆满唔同款式同特色既清酒樽，清酒迷一定有兴趣!

▲下层系酒吧座位，有个开放式厨房比客人睇住厨师烧串烧，店员都好乐意同客人倾下计，讨论下清酒。

▲ 门口设计好有特色，而招牌上既logo就系代表月亮，意思是收了工时应该要放松下，老板希望客人可以藉著品尝清酒同美食，将香港工作既忙碌中可以放松一下。

▲餐厅现时做紧Facebook/ Instagram优惠，打卡就可以送烧物一份。

月．火凤烧鸟

地址:旺角白布街2-24号艺兴大厦地下9号铺

营业时间:星期一至日 18:00 03:00

电话:24582378

文字来源／图片来源：香港人.游香港

这篇文章 旺角美食：【日本居酒屋文化旺角都有！叹饮清酒食串烧同刺身！】- 月．火凤烧鸟 最早出现于 香港人游香港。