今次介绍呢间上海菜系今年新开，餐厅装修得好靓，摆放左唔少有型格摆设及简约金色图画。客人一坐底就会有餐前小食，分别系微辣既青粒同埋酱油花生脆粒。餐单上既食物款式劲多，包括有有肉类、海鲜、豆腐、汤类、面、包点、冷盘等等，净系冷盘都超过20款，食物既价钱都唔系好贵。呢度午市仲有套餐添，价钱由五十多元到八十多元不等，仲有免收茶芥同加一! 餐厅好大比客人一种好舒适既感觉，坐位方面可以拣大厅位置，如果人多既话仲可以提早预约定间独立房间包厢
▲太元鸡($108):太元鸡其实姐系出面其他酒楼既炸子鸡，但呢度太元鸡既鸡皮炸到好香脆，鸡肉都嫩滑，上面仲洒上炸蒜同葱花，另外仲会配埋个南乳酱比你点鸡食，都几惹味！
▲金砖豆腐 ($78):金砖豆腐炸到长方形条状，外皮炸到好香口同干身，食落去有椒盐味，而豆腐好香食落又滑。
▲豆腐三文治($70): 豆腐劲滑同好香，中间会夹住啲馅，有豆同肉松，岩晒做前菜食!
▲妙龄乳鸽($28只):妙龄乳鸽姐系年纪较细既乳鸽，同平时既乳鸽相比，妙龄乳鸽细只少少同埋食落去啲肉嫩滑好多同埋好多汁！
▲黄金熏蛋($15): 呢度既熏蛋有黄色溏心蛋黄，咬一啖就会有啲蛋黄汁流出黎，另外会系蛋黄上面撒啲五香淮盐，食落去令到熏蛋更香同浓味。
太元楼
地址:北角电气道233号城市花园1，2及3座部分平台地下 24-49号A及C号铺
营业时间:星期一至日 11:30 23:00
电话:36190198
文字来源：香港人.游香港／图片来源：@sumi_bb、@clarlkc
这篇文章 北角上海菜：【传统正宗上海菜系列！必食太元鸡同妙龄乳鸽！】- 太元楼 最早出现于 香港人游香港。
本文来自香港人游香港系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！