呢间主题点心店不嬲都搞作多多，自上次小新主题大受欢迎之后，今次又引入得意又搞笑既熊本熊主题！配合熊本县比人天然资既印象，今次取材既点心都主打天然健康，部份更以日本进口的蔬菜、水果、五谷杂粮为食材，小编至like cute 到爆既熊本熊灌汤饺，馅料又多又丰富，而且汤底系加入原粒瑶柱既高汤，真心正！一黎到餐厅门口，各位就忍唔住同佢既装修陈设打卡，连餐具印上熊本熊图案，真系好想带埋佢地返屋企呀！
▲一黎到店铺门口，就比佢地以红黑分明既图案装饰吸引！每张台都配备打卡专用既纸牌！
▲出面既卡位位置就更醒神，大大只既熊本熊同你一齐食点心！
▲今次既餐具都加入今次主题元素，真系好cute呀！
▲熊本熊奶皇流沙包 （$39）烘培后咸蛋黄加入好立克粉、炼奶同植物牛油，一咬开肯定流心十足！
▲微笑紫芋流沙包 ($49／2个) 由紫芋混合好立克粉、炼奶、植物牛油做成﹐迷幻紫色既威力，肯定吸引唔少香芋控！
▲黑松露潮州粉果 ($49／3只) 透薄水晶外皮包裹著猪肉碎、虾米、花生、法国黑松露等馅料。
▲日本原只鲍鱼烧卖 ($79／2只) 使用日本原只鲍鱼、本地鲜猪肉及越南大虾，上面仲有形象可爱既熊本熊！
▲黑金流沙包 ($49／3个) 黑芝麻混合花生酱做出流沙效果，竹炭面包有金色，贵气十足！
▲熊本蜂蜜流心西多士 （$69）外层面包炸至金黄松脆，使用中式奶黄流沙馅，手工糖霜饼干超可爱！仲有不得不提加上既熊本县进口香甜蜂蜜。
▲咸牛肉芝士西多士 （$69）馅料用上咸牛肉、芝士同鲜嫩多汁澳洲安格斯牛肉
▲金箔墨汁虾饺 ($59／3只) 以越南原只大虾、手切本地鲜猪肉混入秘制猪油渣制成，而黑色既外皮就系墨鱼汁整成，同熊本熊相映成趣。
▲日本原粒瑶柱灌汤饺（$69）饺子皮裹著鲜猪肉、虾肉等馅料。
▲香煎熊本芋丝饼 ($49／3件) 用上日本芋头，加入虾米、腊肠等煎至金黄，有丰富膳食纤维。切到成个政府总部咁！
▲黑松露鲜杂菌烩饭 （$99 ）以珍贵黑松露同各种菇类，素食者都岩食！
▲甜品方面，小编大推熊本芝麻奶冻 （$49）以日本北海道3.6牛乳、日本鱼胶片、黑芝麻粉、鲜忌廉调制。
▲真真假假西瓜糕 ($39／3件) 红色部分用上天然西瓜汁，白色部分是忌廉加牛奶，“西瓜籽”则为兰香子。
▲原味椰皇 （$45）及小丸子椰皇 （$55）都系以日本鸡蛋白加入椰皇椰水、北海道3.6牛乳整成
▲原个菠萝特饮 （$59）及原个西瓜特饮 （$59）果汁现打
点心代表
地址： 尖沙咀弥敦道100号L3 The One
电话： 2885 1345
营业时间：11:00 23:00
___________________________________________________________________________
文字 / 图片来源：香港人游香港
这篇文章 尖沙咀主题点心店：【Cute爆熊本熊主题点心登场！爆浆流沙包+流心西多士超吸引！】- 点心代表 最早出现于 香港人游香港。
本文来自香港人游香港系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！