女生至爱！浪漫粉蓝色纯素蛋糕+彩虹蛋糕！

好多女仔都锺意食甜嘢，但食得甜嘢多又容易肥，真系好矛盾。坚尼地城慨呢间Cafe就满足女仔又想食甜嘢又唔想肥慨愿望，佢主打无麸质同纯素蛋糕。一般面包同蛋糕都会含有麸质，系一种比较难消化慨物质，所以食完含有都麸质慨食物之后会容易觉得饱滞，而无麸质蛋糕就可以减轻个胃慨负担。纯素蛋糕就冇加蛋同奶，食完都冇咁容易肥，好适合唔想肥慨女仔同埋食素人士。咁多款蛋糕之中，最受欢迎慨就系招牌蝶豆花伯爵茶蛋糕，呢款属于纯素蛋糕，上面搽咗粉蓝色慨蝶豆花忌廉，仲洒咗啲矢车菊作为点缀，用嚟打卡啱哂。另外仲有款推出冇耐慨彩虹蛋糕，唔只外形精美，而且无添加精制糖或者香精，仲有素食版提供，真系冇得输！

▲Signature Earl Grey Cream Cake ($62)，由于系纯素蛋糕，冇加蛋同奶，食落完全唔会觉得腻，食多件都唔怕！

▲Unicorn Cake ($78)，彩虹色慨蛋糕，口感松软，食纯素慨客人可以叫素食版。

▲Blue Flower Fairy ($62)，所谓生酮饮食，就系一种高脂肪、适量蛋白质同低碳水化合物慨饮食法，可以强迫人体燃烧脂肪，帮助减肥，而呢款饮品以新鲜蓝莓、自家制无糖蓝莓果酱、椰浆同椰奶制成，属于无糖、高脂肪类慨饮品，适合进行紧生酮饮食慨人。

▲除咗蛋糕同饮品之外，Cafe仲有其他热食，呢款无麸质慨紫色意大利海鲜烩饭，唔只卖相吸引，而且亦都好健康。

▲早餐慨话可以拣多士，呢款多士上面放咗炒蛋、菇类同蔬菜，好味又健康。

Infiniti C

地址：西环坚尼地城科士街40号浚峯地下6号铺

电话：3460 4996

营业时间：星期日至四 8am-10pm、星期五及六 8am-10:30pm

文字来源：香港人游香港/ 图片来源：@infiniti__c

这篇文章 西环Cafe：【女生至爱！浪漫粉蓝色纯素蛋糕+彩虹蛋糕！】- Infiniti C 最早出现于 香港人游香港。