葵涌价钱平民超高质西餐店！打工仔Lunch之选！

呢间餐厅好细间，只可以容纳到大约20个人，而餐厅是开放式厨房，客人可以睇到厨师煮食。呢间西餐小店野食质素好高质，价钱又好抵食，所以都好多人排队嫁！午餐包餐饮或汤，而晚餐套餐包沙律加餐汤加饮品，餐汤和沙律是每人一小碗。呢度建议大家拣餐汤呀，比起出面啲西餐好浓味同埋落足材料！午餐价钱大约$50-$90，而晚餐价钱大约$65-＄190。

▲原只海虾龙虾汁意大利粉($95晚餐价，可加$20升级套餐):龙虾味汁好浓味又多汁，意粉食落唔会太干。虾有成2大只，每只都啖啖肉！

▲黑椒美国Prime半熟牛肉意大利粉($90晚餐价，可加$20升级套餐): 忌廉汁意粉系呢家店最好食既意粉汁，半熟牛肉份量都好多！

▲德国咸猪手($140 晚餐套餐价):猪手皮好脆，亦都好多肉，另外仲有好多配菜，例如紫薯蓉。大份到个份量一个人食会食唔晒！

▲卡邦尼($85晚餐价，可加$20升级套餐):卡邦尼酱汁唔会太多或者太少，完全够捞晒成碟意粉，酱汁超creamy同埋意粉唔会太硬太软，另外会有只蛋比客人自己捞，可以自己选择落唔落蛋落个意粉度。

▲烧刺身级三文鱼排($140 晚餐套餐价):三文鱼个鱼皮煎到好脆，但三文鱼肉唔会好干，可以锁住到本身既三文鱼汁，厨师煎到不老但入面又全熟！

Elephant Kitchen

地址:葵涌梨木道102-116号葵宝大厦地铺

营业时间:11:30 15:00/18:00 22:00

电话:23253113

文字来源：香港人.游香港／图片来源：@betbetmo、@kennethtt00、@malei、@arbich、

这篇文章 葵涌西餐：【葵涌价钱平民超高质西餐！打工仔Lunch之选！ 】- Elephant Kitchen 最早出现于 香港人游香港。