荃湾良心小店以平民价日式大碗饭！

呢间良心日式小店定位系做街坊生意，所以价钱都好平。唔好以为呢间店铺个名就净系得牛丼食，呢度仲有日式大碗饭、日式拉面、日式咖哩饭同埋日式风味小吃。小店有啲似快餐形式，上菜速度好快。但呢间小店位置唔系好显眼，位于千色汇地下侧巷，入面坐位都唔算多，大约只可容纳20-30人，一到午饭或晚市时间都多人！

▲芝士烧牛肉饭($55):呢个饭岩晒啲芝士控呀！食落去好邪恶！不过牛肉份量就略为少左啲！

▲日式叉烧拉面($55): 拉面汤底系猪骨汤味，呢个价钱比起啲拉面店实在太抵食，唔好以为呢度啲味玉唔好味，都好入味同整到蛋黄半熟嫁！同埋啲叉烧唔会太干仲有啲肥肉添。

▲黑咖啡吉列猪排饭($58):黑咖喱食落去好香同唔辣，小朋友都可以食，而块吉列猪扒大好块同脆身！

▲原祖烧牛肉饭($49): 呢个饭咁既价钱好有惊喜，牛肉每片都烧过，但又唔会烧到过干而又充满油香味，而饭都吸收晒烧肉汁既味道好惹味。

▲日式章鱼烧($32 6粒):章鱼烧个皮整到脆脆地，不过章鱼馅就略为细旧！

大丼家烧烤牛丼专门店

地址:荃湾众安街68号荃湾千色汇II期地下G1-2号铺

营业时间:11:30 22:00

电话:26169611

文字来源：香港人.游香港／图片来源：@tastytommy、@eatwithjojohnny、@chowchi1220

这篇文章 荃湾牛丼：【荃湾良心小店平民价日式大碗饭！】- 大丼家烧烤牛丼专门店 最早出现于 香港人游香港。