台南隐密小巷凉面店柴犬迷必到，多款柴犬造型美食

河马家位于台南火车站新光三越旁边既一条小巷入面，个位置都几难揾嫁，大约行8分钟就到，不过跟住google map黎行就唔会miss左间铺，间铺门口有停车位可以比客人泊车店。店内餐牌唔算好多野食，主食系以凉面、吐司为主，饮料部分有泰式奶茶以及越南滴壶咖啡等。客人可以自选凉面配料同酱汁，配料选择有泡菜、鸡胸、牛肉、豚肉。其实呢间店系台南一间好出名既早午餐小店“性格せいかく” 既姊妹店，如果你本身有食过性格既凉面，呢间一定岩你胃口。呢间仲有另一个卖点，就系钟意柴犬既你地一定会钟意呢间店! 店内墙上痂左好多张柴犬可爱既照片，门口仲会有只柴犬店长同客人打招呼添!同埋系下午14:00开始会提供柴社长下午茶，有柴犬吐司及柴犬立体拉花饮品。

▲鸡胸柚子芥末凉面(新台币$85):面条食落去唔太硬同太软，煮到岩岩好好，就算鸡肉咁大旧食落去都唔会太干。酱汁系柚子芥末味，柚子味配凉面食落去好清新。

▲柴犬吐司(新台币$65):呢个吐司图案好得意，仲会有其他柴犬图案可以拣，真系唔舍得食呀！吐司入面系花生味！

▲立体柴犬拉花(新台币$120): 立体图案好似只柴犬系度冲凉咁，饮品系朱古力或泰式奶茶。最得意既系柴犬立体公仔连个屁屁都画埋。

▲招牌起司烤牛乳: 牛奶味好香，多士整到好香脆！

▲店铺门口会有一只柴犬店长迎接客人，佢亦会有自己专属既小区域。

河马家凉面与滴滴壶咖啡

地址:台南市中西区北门路一段123巷28号

营业时间: 星期一至三、四11:00-15:00/星期六至日11:00-17:00

电话:06 2227190

文字来源：香港人.游香港／图片来源：@eijinglee、@mickeylin_45、@iamjett.88888、@a0973735326

这篇文章 游台南美食：【台南隐密小巷凉面店柴犬迷必到，多款柴犬造型美食】-河马家凉面与滴滴壶咖啡 最早出现于 香港人游香港。