时代广场新派韩式西餐厅！必试人气韩式厚蛋三文治！

时代广场新开左一间以韩国菜为主题既西餐厅，餐厅带点小清新感觉，店内装修简单而清新，有不少干花作装饰。餐厅提供食物种类主以蛋包饭、意粉、韩式饭、韩式小食、甜品及韩式三文治为主，当中原味蛋包饭同韩式厚蛋三文治更系店内最有人气既菜式，有唔少客人专登为左呢两款菜式特登黎潮圣!突然间想食韩国菜又唔想净系食韩式烧肉、炸鸡、部队锅呢啲较为热气既食物，可以考虑试下食呢间西餐厅，主打以轻食为主既特式美食。

▲原味蛋包饭($88):蛋包饭同平时出街食到既蛋包饭有少少唔同，呢度既蛋包饭唔系用蛋皮包住啲饭，而系饭上面放上厚蛋饼。当一刀界开蛋饼时会有半熟蛋浆流出黎，好浓蛋香味同埋好滑。个饭系配咖哩汁，客人亦可配牛肉汁，成个饭充满咖哩汁好惹味!

▲韩式厚蛋三文治($68):呢个厚蛋其实同日式玉子味道有d相似，厚蛋厚度大约有成1cm嫁! 呢个三文治涂上芥末沙律酱，从而令到个蛋香味更加香。

▲烟三文鱼沙律($58):烟三文鱼凯撒沙律绝对系开胃之选，烟三文鱼卷成玫瑰花状，令到卖相令啲! 沙律菜系用左传统芝麻酱黎捞!

▲和牛汉堡三文治($78):块和牛汉堡肉劲厚，同埋煎到旧肉唔会太干。三文治再夹埋蛋饼同鲜蕃茄令到口感更加丰富。

▲黑蒜海鲜意粉($82):海鲜配料好丰富，有新鲜爽口大虾、青口、砚肉同埋八爪鱼粒，而意粉煮到岩岩好，唔会太林同太硬，意粉酱汁系蕃茄味。

BANCHAN and COOK

地址:铜锣湾勿地臣街1号时代广场9楼922-923号铺

文字来源：香港人.游香港／图片来源：@joys_ysl、@foodstalkers_hk

这篇文章 铜锣湾韩国菜：【时代广场新派韩式西餐厅！必试人气韩式厚蛋三文治！】- BANCHAN and COOK 最早出现于 香港人游香港。