观塘工厦美食！用心制作出慢煮日式丼饭！

观塘骆驼漆工业大厦一向出名多美食，而今次介绍呢间日式小店系11楼。呢间小店每日提供固定四款丼饭再加三款期间限定菜式，不过一段时间就会转款，每个餐都会附送一碗无添加味精既汤。店内是开放式厨房，客人可以望到晒成个制作过程。由于店内食物主要以慢煮为主，如果客人想减少时间等侯制作过程，可以预先在Whatsapp落单!呢间一到星期六日就会好多人排，由于店内座位唔系好多，要预多少少时间去排队啦!

▲慢煮火灸牛腹扒丼($108): 牛肉系来自纽西兰鲜牛肉煮，牛肉味浓郁，店主建议将饭捞埋流心蛋一齐食。

▲照烧慢煮鸡肉芝士爆丼($88): 鸡肉面上有层厚既芝士，趁热食果阵仲有拉丝既效果!

▲慢煮三文鱼配牛油果丼($98): 中意食牛油果既要试下呢个!除左有三文鱼外仲会有埋蟹籽。呢个饭食落去好清新，仲有埋青瓜丝。

▲姜汁酱烧豚肉丼($88): 一片片豚肉烧到火喉好适中，唔会烧过龙食落有种好鞋既感觉，另外姜汁同酱烧味可以令到你好开胃咁食晒成饭。

▲慢煮牛腹扒荞麦冷面($98): 冷面食落都几弹牙，口感唔错，不过牛肉片份量相对上较为少。

▲店内装修略为简约，有开放式厨房。

慢煮屋

地址:观塘开源道60号骆驼漆大厦3期11楼G室

营业时间:星期一至六、公众假期11:30-1600/18:00-22:00

电话:54888867

文字来源：香港人.游香港／图片来源：@denise_kwchang、@annie_0319、@kenku0216、@sadnessbears、@homekitchenkt、@nofood.nome

这篇文章 观塘工厦美食：【观塘工厦用心制作出慢煮日式丼饭】- 慢煮屋 最早出现于 香港人游香港。