全城首创重口味芫茜汤面！茶室带你穿越食怀旧野！

呢间位于西九文化地标戏曲中心既怀旧茶室，近日风靡全城！除左佢古色古香既穿越设计外，仲有全城首创既10cm高芫茜山+芫茜汤底车仔面，吸引一班钟意芫茜既朋友黎挑机！车仔面配料都好特别，同一般外面车仔面档既配料唔同，包括辣味东风螺肉丶秘制原件花胶丶麻辣鸭血等等！餐厅亦大卖多款港式大排档菜式包括失传风沙鸡、怀旧鬼马双星、传统手吊烧鸡等等，岩晒香港人既口味！亦有街头小食生炸大鸡脾、炸油糍、古法炸白鱼球等等，好多都已经比较少见！潮洲菜大师陈师傅仲带黎特色卤水面，一碗就有齐鹅片丶鹅肝丶鹅肠丶五花腩丶猪大肠！仲有惹味煲仔菜式，如“台山兴哥手工黄鳝煲仔饭及堂弄生滚鲗鱼粥（窝），叹尽失传经典美味！

▲锺意芫茜味既朋友可以挑战下呢碗有成10cm高芫茜山既芫茜车仔面！味道浓郁包你一试难忘！

▲“芫茜滑蛋烟三文鱼三文治””（港币38元）一样劲香芫茜味，外面比较少食得到！

▲餐厅古色古香，菜式亦有保留多款传统菜式，“失传风沙鸡”（港币208元）惹味经典

▲餐厅既湖汕菜式都非常出色，呢款“汕头陈师傅特色卤水配台湾百年老字号手造面”仲有齐鹅片丶鹅肝丶鹅肠丶五花腩丶猪大肠，可以一次过品尝到多款卤水滋味！

▲多款惹味煲仔菜式，如“松露野菌鸡球煲仔饭”（港币178元）、“台山兴哥手工黄鳝煲仔饭”（港币178元）、“砂锅生炒腊味糯米饭”（港币158元）等，都超级足料！

▲“咸柠檬炖鹅汤”（港币48元）都系餐厅首创，既保留潮式风味，又有新鲜感！

▲游园茶记位于西九戏曲中心内，有百子柜、木制桌椅等，带有浓厚古色古香风格！

游园．茶记

地址：九龙尖沙咀柯士甸道西88号戏曲中心1楼2-3号铺

营业时间：11:00-23:00pm

电话：23207455