荃湾文青Cafe！主打分子甜品！

荃湾出左名多野食，要点样先可以突围而出？呢间Cafe主打分子甜品，造型精致得黎又好食，岩晒黎相机食先！餐牌上选择仲有好多，分别有bagel系列、All Day Breakfast、意粉、沙律、咖啡、花茶等。全店座位得十几个位，间铺以啡同黑色作主调。全店得一个人负责落单同煮食等，所以都要有啲耐性等食物上菜。

▲ 牛油果藜麦大虾沙律($78):沙律摆得好靓，虾肉口感弹牙又新鲜，牛油果份量都多，岩晒牛油果迷！

▲慢煮鸡胸bagel($60):Bagel入面有忌廉芝士、沙律菠菜、鸡胸。个包质感软松，鸡胸都唔鞋。

▲蛋($65):蛋壳系白朱古力，蛋黄系芒果汁，旁边个泡沫系有酒味，底下有球雪糕。

▲蕉($55):分子甜品卖相好靓，前半条系焦糖香蕉，另外果半条系脆皮雪糕，蕉皮纹系店主自己画上去添。

▲班尼迪($78):分别有水波蛋、酸包、沙律、三文鱼、烟肉，一切开只蛋，啲蛋皇即刻流心出黎，夹埋啲烟肉一齐食好满足。

▲石($55):石头既外壳系白朱古力，会有raspberry、black currant 作伴碟。客人要用只长匙羹整开个朱古力外壳，就会有啲raspberry流心馅，食落去酸酸甜甜咁。

留白

地址:荃湾西楼角路202-216号荃昌中心昌宁商场地下12号铺

营业时间:星期二至日11:30-22:30

文字来源：香港人.游香港／图片来源：@iakich、@blank_cafe