就黎到情人节啦，唔知大家有无心议既餐厅？今次比多个选择你地睇下啦！Black Sheep Restaurants旗下20间餐厅将会系2月10日至16日时段以一个超值优惠价套餐比客人享用，而家阵介绍呢间餐厅系其中一间可以系情人节继续以呢个Black Series Promotion提供超优惠价套餐！套餐内容既菜式仲要系该餐厅既人气招牌茶式黎嫁！今日就可以开始预订啦！呢间餐厅主要系食意大利菜，另外餐厅装修比客人一种舒服既感觉，客人可以慢慢系度叹酒叹美食都唔会比人赶走！今次介绍呢个晚餐套餐每位$388未加一，好味得黎又有几款野食，绝对唔Dry呀！

▲前菜: 每人两片烤面包，另外仲会有啲鳀鱼条加牛油忌廉比客人配面包食，面包皮脆得黎入但入面好软松!

▲油甘鱼前菜: 油甘鱼片系来自日本，酱汁食落去酸酸地，好开胃嫁，分别系用左车厘茄、橄榄、罗勒叶制成的!

▲ 香脆鱿鱼配香草乳酪酱: 呢个配白酒岩晒呀! 炸鱿鱼食落去都几好咬，唔会系D 完全咬唔到既鱿鱼，而炸粉都无点太多黎炸。大家记得一定要点个Yogurt酱黎食呀，食落去清新既感觉又可以去一去油腻，个酱入面仲会有啲青瓜同𬞟果粒!

▲波士顿龙虾吉他意粉: 意粉食落带点虾膏加蓄茄加龙虾汁既味，酱汁都几浓味唔错，带点酸酸地感觉，令到客人觉得开胃。龙虾肉份量都算多，仲会有蟹钳肉添! 呢度既食材料唔马虎，龙虾系来自加拿大! 意粉系用左扁意粉，食落去都几弹牙!

以下呢两款烧烤主菜只可以每位选一款:

▲意式香烤鸡: 鸡皮烤到几脆身，虽然睇落去份量好少，但每旧都啖啖肉嫁，唔系比晒啲鸡骨客人食!

▲西西里澳洲盲鰽配香橙茴香酱: 香煎盲鰽令到鱼皮煎到好脆皮，而鱼肉既质感都相对上滑同埋食落去都系新鲜鱼肉既口感，唔系雪藏摆左好耐既货。而个酱汁因为香橙既关系，食落去都酸酸甜甜，同鱼肉一齐食都几夹。底下仲有洋葱条作伴菜，不过洋葱实在太入味，食落去有点酸，钟意酸酸甜甜同洋葱既你绝对会食得晒啲洋葱条!

▲意大利雪糕: 今次既雪糕口味系好香浓朱古力味，食落去好滑身，朱古力种浓度岩岩好，唔会食到觉得好流。呢种雪糕唔似平时果只咁快溶，可以有仪态咁食!

▲A TASTE OF THE COASTAL REGIONS OF ITALY: 每位客人可以加$88 品尝一杯。左边系意大利气泡酒，右边就系白酒，两款都系餐前酒来的。如果客人有意加$88要1杯的话，不妨问下店员当天有咩款式酒推介下。

▲餐厅既装修入面都相对光猛，每张台分格都远，作为同伴侣或者朋友庆祝节日既餐厅也不错。另外，餐厅店员数量都多，可以应付到1位对2组客人，每位对客人既服务态度绝对值得一赞，比呢个价钱享受皇帝式既服务。

Osteria Marzia

地址:湾仔菲林明道41号芬名酒店地铺

营业时间:星期一至五07:00-10:00, 12:00-15:00, 18:00-23:30 /星期六至日 07:00-10:00,18:00-23:30

电话:36072253

文字来源／图片来源：香港人.游香港

这篇文章 湾仔美食：【限时优惠晚餐！情人节撑台脚好去处！】-Osteria Marzia 最早出现于 香港人游香港。