荃湾路得围一向都出名有唔少特色野食，今次介绍既呢间系一间食印度菜既餐厅，系香港食到间咁有当地特色既印度菜小店少之有少。呢度既菜式全部都新鲜即叫即做，唔会整完放左好耐，所以系等候食物时间上面系耐啲。餐厅绝对系一间小店，座位得十多个，虽然最近一到夜晚都好多人排队，但都无减香港人排队帮衬既心，咁有特色既小店又点可以比佢倒闭呢?

▲印度式串烧($72 6串): 呢度既串烧每串都份量十足，食落去啖啖肉! 一共有4款肉比客人拣，分别系鸡、牛、猪、羊! 推介呢度既羊肉，食落去羊骚味唔系好劲!

▲印度烧鸡薄饼($88): 呢度既薄饼全部都系即叫即制，有两种Size比客人拣，如果多人就建议拣大份。薄饼食落去好脆，上面既蕃茄酱同芝士份量都多，所以个pizza都相对上重口味，不过鸡肉都唔会焗到有啲老，食落去都滑身既!

▲油酥饼(跟餐可以有两块): 呢个值得大推! 家阵唔系好多地方食到即制既油酥饼，食落去会咬到好多层次同埋好松脆! 食咖哩又点可以唔配油酥饼呢? 如果唔够喉既话仲可以单点嫁!

!

▲传统咖喱鸡 ($75): 咖哩一上菜已经闻到好香既咖哩味，咖哩汁份量都多，唔好以为咖哩一定系辣，呢度既印度咖哩食落去系甜甜地，味道好正宗，会食得出用左好多种香料去制作。而鸡肉食落去入晒味同埋好滑。

▲厨师特制BBQ鸡腿($68): 呢个鸡腿岩晒啲钟意食浓味菜式既朋友! 鸡腿焗到鸡皮好脆配埋好滑既鸡肉，真系会令到人停唔到口咁食!

巴巴站

地址:荃湾海坝街81号地铺

营业时间:11:30 00:00

电话:26084270

文字来源：香港人.游香港／图片来源：@uisuisgnat、@foodromance.hk、@foodie_sumh、@kenifood

这篇文章 荃湾印度菜：【荃湾隐世惊喜印度菜！小店必试咖哩油酥饼！】- 巴巴站 最早出现于 香港人游香港。