记得帮衬之前留意下铺头既FACEBOOK睇下有咩食物已经售罄，免得去到时失望，不过除左主菜之外，呢度既甜品加咖啡都值得推介比大家嫁!铺头装修主要行工业风格，门口墙身系水泥墙，有个霓虹灯店铺“革”字LOGO挂系门口上面，经过望到都几抢焦点嫁! 铺头虽然细细间，但系系菜式方面都落足心机嫁! 提供既种类款式好多，分别有供应沙律、全日早餐、多士、意粉、蛋糕、特式咖啡、沙冰等。

▲经典卡邦尼意粉($90): 呢个意粉好出色!意粉系用粗身果款，食落去好有咬口。另外酱汁分量都足够，配料仲加埋蛋黄、芝士碎、同埋香脆烟肉，绝对系一个饱肚既意粉。

▲63.5度慢煮班尼迪蛋伴烟三文鱼牛油果($98): 包身系用Bagel 做底，只蛋做到好流心，咬一啖蛋黄就会涌晒出黎，而且牛油果同埋三文鱼份量都好多，一个人食绝对饱肚!

▲青酱北海道帆立贝风干蕃茄意粉($105): 呢个意粉食落较为浓味，因为有时青酱意粉系出面餐厅食到既味得好淡，而帆立贝都大大粒。

▲自家制红丝绒蛋糕($40): 蛋糕全自家制既，食落去唔算好甜好流! 蛋糕层次分明，用左忌廉、朱古力作三层隔开，仲铺左玫瑰花干碎。

▲铺头咖啡吧果度会摆放数款咖啡豆比客人闻下，同埋摆左店主曾经得到既咖啡奖项添。开放式既冲咖啡地方仲可以令到客人睇住自己杯咖啡既冲制过程!

Cafe REVOL

地址:佐敦德成街4-16号富裕台地下5号铺

营业时间:星期一至六08:00 19:00、星期日09:00 18:00

电话:37020170

文字来源：香港人.游香港／图片来源：@lalabananafooood、@yingmanha、@lainga123、@strophotos

这篇文章 佐敦cafe：【佐敦大人气！手工咖啡+蛋糕小店！】- Cafe REVOL 最早出现于 香港人游香港。