荃湾韩国菜：【超邪恶！拉芝岩浆炒饭！】- 韩阁

呢间小店就咁睇似系一间小cafe，店内装修雅致－一面红砖墙配上铜水管、吊灯等精致小摆设，有少少工业风路线，不过坐位就唔系好多，而且午市餐牌系仲去到6点，晏昼去其实相当抵食。好多人都会share呢度既炸鸡一同分享，招牌“亚之妈”炸鸡半份都有6、7件鸡，炸鸡炸得外皮香脆可口，有烤芝士甜辣、蜜糖牛油等口味，除此之外，都有好多人会一次过试埋呢度主打韩式家庭菜、炸鸡同韩式卷物，特别要试芝士岩浆炒饭，炒饭以微辣泡菜炒底，再加超多邪恶芝士，真心正！

▲人参鸡汤 （$138）用左一整只鸡酿入糯米、人参、红枣、栗子长时间炖煮，非常足料同落足心机！鸡肉软嫩爽滑，鸡汤带参香四溢。而栗子经炖煮后更系鲜甜可口！

▲芝士岩浆炒饭（$82）店入面岩浆炒饭应该系芝士控必点招牌菜式，饭本身用泡菜、辣酱、五花肉片一起炒，

▲芝士岩浆炒饭（$82） ，轻轻一拉就有拉丝效果。

▲泡菜猪肉芝士韩式手卷（$46）泡菜猪肉芝士手卷，馅料有泡菜猪肉、黄萝卜、青瓜、芝士，口感一流又丰富。

▲蜂蜜牛油炸鸡（$108）蜜糖加上牛油香气浓郁，薄皮炸鸡外脆内软，鸡肉Juicy！

▲甜辣酱年糕（）韩国以水煮方式，让年糕饱吸酱料，搭配脆脆青菜，口感层次丰富。

▲石头锅饭（$52）系荤素搭配得宜既食物，唔驶担心营养问题，加香辣有度既辣酱就食得，而食到最尾仲会有饭焦香！

韩阁

地址：荃湾路德围运通街地下10M号铺

电话：39568101

文字来源：香港人游香港／图片来源：@_popolam、@hkgcouple0218、@btf.mind.ranran

这篇文章 荃湾韩国菜：【超邪恶！拉芝岩浆炒饭！】- 韩阁 最早出现于 香港人游香港。