游曼谷cafe：【撑船仔入热带雨林打卡cafe！必食泰奶千层蛋糕！】- After the Rain Coffee Gallery

呢间曼谷cafe唔系位于市中心，但系就聚集好多游人甚至系当地人黎呢度打卡影相食Tea！cafe 系间小木屋，环抱都系虫鸣鸟叫既暑气热林feel，cafe内可以背对河流秋千，画面唯美，系个必影打卡位黎架！另外只要有系cafe餐厅点餐，就可以免费划黄色小船打卡影相，店里一共4只黄色小船，有四条水道，影出黎效果真系好似一秒间进入一望无际既热带雨林，享受边划船边喝咖啡乐趣！野食方面，大部分人黎到都会order甜品同小食，Pancake 同泰奶千层蛋糕都系皇牌餐点，大家食饱先好划小船，因为所花气力真系唔细呀！

▲以热带雨林同小河环抱既cafe小店，聚集唔少热空气同湿气，就算唔系特别炎热天气，就咁坐系度都容易汗流浃背，有见及此Cafe设计成可以浸脚，不过d水干唔干净就不得而知喇

▲全场得1个河流秋千，大家打卡就要排队等下喇！影相时用仰角度影得最靓！

▲其他店内既秋千都系打卡热点

▲cafe 有4条水道，而河边有4艘小船停泊，小船唔容易划，不过影出黎张张都系世界级！

▲酥炸鸡翼

▲泰奶千层蛋糕（85 THB）

▲鲜果香蕉pancake 摆罢精美，相当instagram-able

▲怕热既朋友仔可以选择系室内食野，室内采用透光度极高既白色落地窗门、浅色既木材配搭

After the Rain Coffee Gallery

营业时间：8:30AM – 18:30 PM (周一公休)

地址：Hwy 3316, Tambon Song Khanong, Amphoe Sam Phran, Nakhon Pathom 73210

文字来源：香港人游香港／图片来源：@rhea__y

这篇文章 游曼谷cafe：【撑船仔入热带雨林打卡cafe！必食泰奶千层蛋糕！】- After the Rain Coffee Gallery 最早出现于 香港人游香港。