今次介绍呢间大角咀酒店餐厅系以万花筒做主题设计，一出升降机门就进入左万花筒，靓到有唔少客人会打卡一阵先再行入餐厅，穿过左个万花筒隧道就到接待处。而餐厅入面既装潢都系延续万花筒风格，同埋天花挂满左唔同颜色既干花，呢间餐厅虽然细，但坐落去几阔落，又多打卡位影相。讲完餐厅既装修后，再讲一讲呢度既食物，呢度既食物都几特别，有两款打卡甜款系必要叫，分别系在森林和原野同埋开启潘朵拉盒子，又好食又睇得! 如果同行者有人生日，仲可以叫餐厅Order定甜品写祝福句子添！

▲在森林和原野($158): 看似草既其实系抹茶饼碎，上面摆满花形同菇形既糖同朱古力，而树干就系一件Tiramisu蛋糕，食落口感好幼滑! 净系甜品既心思都绝对值得一试。

▲富士山的云端($82):系餐厅既招牌饮品，其实系一杯蓝橙云呢拿牛奶，富士山造型够晒吸引。杯野饮比客人自制，首先要系白色泡沫中用饮管插个洞，然后将蓝橙牛奶倒入去，再将泡沫浮顶。

▲法式大头虾占米多 ($228): 大头虾好大只，入面摆满左虾肉，虾汁同埋虾膏，可以将虾肉沾上虾汁然后放上去占米多士上面食!

▲开启潘朵拉盒子 ($168):呢个甜品系限量供应，除左睇得食得，仲可以玩添，会有一个木锤比客人打烂个糖衣，个糖衣望落似玻璃咁，而入面件挞好大件，绝对可以两个人食。

▲唔至餐厅内既装修好靓，连碟同杯都好靓嫁! 每个座位都系打卡既好地方!

▲打卡位: 万花筒墙身，有唔少客人为左呢间餐厅咁靓既环境黎嫁! 除左呢度，餐厅内仲有其他值得打卡既位置。

漫花灯火 OMG

地址:大角咀晏架街48号香港西九龙丝丽酒店1楼

营业时间:星期一至日 12:00 22:30

电话:27896805

文字来源：香港人.游香港／图片来源：@omghongkong

这篇文章 大角咀美食：【大角咀酒店万花筒主题餐厅！】- 漫花灯火 OMG 最早出现于 香港人游香港。