作为番茄汤控，对呢个超浓郁番茄汤底真系零抵制力！原本开系深水埗既番茄专门店汤面，番茄汤底用左牛骨同牛腩去煲，浓稠且鲜牛味十足！疫市期间反而大开分店，选择左元朗，不过呢位脑细似乎低估左元朗牛既威力，周六日已预备200斤番茄，但未入黑都已经用哂！黎呢度牛魔一定要食犇犇有礼，有大大件牛面颊、牛坑腩、崩沙腩做配料，爽弹有咬口，识食一定要加多只滑蛋，同番茄超夹，最后就一定连汤底都饮干净啊！
▲犇犇有礼（$78）有大大件牛坑腩、崩沙腩、牛面颊肉，真材实料，牛味十足！
▲滑一滑蕃茄浓汤乌冬，店家专心一意做好番茄汤底，分店一开再开，最近开到元朗国，引来更多新Fans支持！
▲骟牧牛比一般冰鲜牛更有肥美香滑，再配埋滑蛋就一流！
▲一贝子（$68）海鲜同蕃茄汤底都一样夹，有多只花甲同大大粒带子做配料，认真足料！
▲豚豚圆圆（$58）除左牛牛仲有猪可以选择，猪腩肉同猪颈肉亦算肥美
▲面底除左上海面，仲可以选米线、拉面或乌冬，食完个面记得饮埋个汤底唔好浪费啊！
▲小店仲有自家制既饮品，柠檬雪梨露、桂圆红凉桑寄生茶等，诚意十足
View this post on Instagram
200斤都唔够，咩鬼地方嚟㗎😥
A post shared by 番茄师兄 (@tomato_c_hing) on
▲ 店家每日准备200斤番茄，但未入黑番茄已经用完，要到街市补货。
番茄师兄 元朗新店
地址：元朗击壤路9号金宝大厦地下4号铺
电话：36151062
The post 元朗粉面：【番茄控召集！番茄面专门店元朗开店！大排长龙！200斤番茄半日完售！】- 番茄师兄 appeared first on 香港人游香港.
本文来自香港人游香港系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！