大澳一直有香港威尼斯之称，系一个远离市中心既郊区，一直都吸引到唔少香港人去呢度放松下。最近二级文物既大澳酒店被活化以一个新面目示人，呢间酒店位于大澳码头附近，十分近海边，因此坐窗口位的话系可以望住海景、吹下海风咁用餐，都好写意嫁！而餐厅既装修都好有特色，系一间玻璃屋，日间时餐厅会穿透日光光线，系呢度打卡影相好靓嫁！除左环境优美之外，呢度既食物质素都唔错，有啲菜式仲加入左大澳元素，例如虾酱！

▲炸鱼薯条现他他汁($108): 炸鱼炸得岩岩好，唔会炸到过㶶，而个他他酱酸酸地好开胃！

▲大澳一品炒饭($98): 其实系虾膏炒饭，大澳既虾膏真系好香，炒饭仲有用虾干同鲜虾。

▲大澳真味下午茶($288 两人享用): 呢个下午茶完全有晒大澳既风味呀，下午茶分别有咸鱼肉饼汉堡、黄金虾多士、脆香虾酱鸡翼、蝶豆花奶冻、朱古力布朗尼同西班牙油条配紫贝天葵酱，岩晒又想食咸点加甜点既你！

▲罗勒蕃菇长通粉($98):食落去酸酸地，都几重蕃茄味。

▲餐厅既椅子都系以木制为主，涂上黑色有种更型格既感觉。

Tai O Lookout

地址:大澳石仔埗街大澳文物酒店1楼

营业时间:星期一至日 07:30 22:00

电话:29858383

文字来源：香港人.游香港／图片来源：@charwxm、@taioheritagehotel、@foodiemayz、@konggirl.foodie

这篇文章 大澳美食：【活化历史酒店！边睇海景边叹大澳风味Tea Set！】- Tai O Lookout 最早出现于 香港人游香港。