西九文化区艺术公园最近装修好，开番返比市民享用啦，仲增添左几间Cafe添！今次就介绍其中一间啦，呢间Cafe有indoor同outdoor，而坐outdoor既话就唔会比其他食客阻到睇维港景色，无论日头黎定夜晚黎食都一样可以睇到咁靓既景色呀！呢间系食西餐为主，有沙律、意粉、薄饼，唔好以为有180度景色既餐厅一定好贵！呢间人均消费二百蚊内，主菜都系大约每样百几蚊！除左食野之外，客人仲可以系度饮啤酒，饮啲有酒精饮品添！Outdoor仲会有啲沙滩椅比客人一路饮酒吹水，一路望住咁靓既景色！

▲French Fries ($58): 系幼薯条黎，会有七味粉洒系薯条度，炸到脆脆地，唔系林薯条，而份量都多，较为适合一班人Share食。

▲Pollo Pizza ($148): Pizza切成8片，系薄批黎既，配料分别有鸡胸肉同蕃茜，用了两种芝士整，分别系水牛芝士同水清芝士。

▲Seafood Linguine($148): 海鲜配料好多，分别有鱿鱼、蚬肉、墨鱼、带子、虾，而意粉酱系蕃茄酱，食落去少少酸，但好开胃！

▲Pasta of the Day ($138): 是日意粉每日都唔同，今次试既系龙虾汁蟹肉虾意粉，龙虾汁都多，意粉唔会食落太干，仲有好多蟹肉同虾食！

▲Fresh Ravioli Mushrooms ($138): 呢个意大利云吞系用左牛肝菌、意大利棉羊芝士同奶油整成的，食落去个汁好Creamy，个人认为如果呢个汁配意粉应该会好好食！不过云吞都唔差，食落去每旧都入味既，仲有脆烟肉同蘑菇食添！

▲餐厅环境都几好，有唔少人会特登扲埋notebook黎呢度饮住咖啡做野嫁！

▲餐厅有几张台系室外范围食，可以180度咁望住维园海景食野！

Café Bohème

地址:尖沙咀西九文化区艺术公园地下GF-06号铺

营业时间:星期二至日 11:00 23:00

电话:53227969

文字来源／图片来源：香港人.游香港

这篇文章 尖沙咀西餐厅：【西九文化区餐厅亲民价叹到无敌海景！】- Café Bohème 最早出现于 香港人游香港。