伍姑娘逼供爆性事高海宁性趣睇心情 Ali同男友欠激情江美仪爆厕所造爱

伍咏薇在节目中大爆两个字男艺人的黑材料引起满城风雨，在最新一集《Tiger’s Talk》唔止有料爆，仲逼供嘉宾高海宁、李佳芯、龚嘉欣、江美仪爆性事，愈问愈深入，愈讲愈露骨，高Ling一度要向镜头后的高层乐小姐求救。

文：东方新地

伍姑娘同林盛斌主持的《Tiger’s Talk》，上亲嚟节目的嘉宾都在两位主持软硬兼施之下自动爆料，而伍姑娘不吝啬自己在演艺圈的亲身经历，在节目中一齐爆﹗最新一集请来《杀手》四条Queen李佳芯、高海宁、龚嘉欣及江美仪，今次唔系爆娱乐圈的血泪史咁简单，而系大爆性事，在伍姑娘施威、阿Bob纯熟主持技巧之下，四女首次在镜头前大谈性，有啲红都脸晒，青筋都现埋，绝对不容错过。

伍姑娘逼供爆性事高海宁睇心情玩情趣李佳芯同男友冇激情过江美仪爆冲凉时造爱

龚嘉欣谈性事：会不断学习去配合另一半

最初伍咏薇以倾感情事入题，再讲到驭夫术，后来转化成感情同性事不可分割，仲话自己唔系咸湿，而系男女关系重要的一环，然后开始自爆自身经验，指自己不同年纪会有不同招式，又话只要一个眼神大家有默契就可以去造爱，仲豪言场地不会只局限在床上，伍姑娘话：“床系要嚟瞓㗎咋﹗”以爆料做引子，然后开始向嘉宾们套料，问会否配合另一半去增加性趣？龚嘉欣答：“男人都系爱新鲜、刺激，会配合另一半，都会听多啲朋友经历，会去学习，作为一个女人就算结婚一段时间又要学﹗”阿Bob即问高Ling系咪会尽全力去配合？高Ling不太情愿回答就话：“我冇咁讲，只系话嘉欣咁讲。”被两位主持逼供下，高Ling避无可避就答：“睇心情啦﹗睇吓嗰日拍完剧攰唔攰啦﹗”被伍姑娘一再追问后，高Ling一度大叫：“律师律师﹗”又向镜头后的高层乐易玲求救，伍姑娘就话中国人女性讲性都仲系咁忌讳，高Ling 即和应：“你讲得啱，私下讲乜都得，开大咪（镜头前）就唔好喇。”

江美仪帮手助攻直接问李佳芯，依家同男朋友仲有冇激情。，Ali惊到缩埋一边。 — 江美仪帮手助攻直接问李佳芯，依家同男朋友仲有冇激情，Ali惊到缩埋一边。

高海宁

被问最佳性爱场所美仪代Ali答：佢梗系图书馆啦

之后两位主持加埋江美仪一起夹供 Ali BB，Ali话自己未婚唔识驭夫术，江美仪直接问：“咁你同男朋友依家仲有冇激情㗎？”伍姑娘再问拍拖到依家有冇激情过，Ali脸红红答冇，阿 Bob惊讶反问：“同男朋友由开始到依家有冇激情过先？”Ali如食了诚实豆沙包回答“冇﹗”，李佳芯即解释：“因为我想同另一半慨关系似朋友，可以入到对方慨心入面。”即被伍姑娘同阿Bob笑乜咁深奥，二人继而下一个话题，问到性爱场面，伍姑娘又系先自爆指喺床度造爱太闷，然后问大家试过喺边个造爱场地觉得好正？并即问李佳芯，在旁的江美仪抢答：“佢梗系图书馆啦﹗”伍姑娘同阿Bob即自行FF又做埋动作，Ali笑到脸都红，又尴尬都坐喺度傻笑。

伍姑娘逼供爆性事高海宁睇心情玩情趣李佳芯同男友冇激情过江美仪爆冲凉时造爱

伍姑娘指Ali的爱情观可以细水长流，不过直指：“如果遇到另一半都系咁，系可以细水长流，不过都好闷啰﹗”

伍姑娘逼供爆性事高海宁睇心情玩情趣李佳芯同男友冇激情过江美仪爆冲凉时造爱

江美仪就唔同，大方谈性事，又话男女都得到享受系一件太正慨事。当话题讲到最佳性爱场所，阿Bob问江美仪试过最正慨性爱场地喺边？江美仪面不红耳不热就立即答：“洗手间，冲冲吓凉，几正，唔怕乌糟，可以冲埋身㖭﹗”在旁李佳芯听到目瞪口呆。

伍姑娘逼供爆性事高海宁睇心情玩情趣李佳芯同男友冇激情过江美仪爆冲凉时造爱

高Ling被骗做小三伍姑娘：睇你嗰样都知专抢人嘢

节目中又讲到出轨呢个话题，高Ling自揭曾被男友呃做咗小三都唔知，仲呃足半年，高Ling：“我试过被分手被背叛，之前变咗小三，仲呃咗我半年，最后佢选择咗个女仔。”伍咏薇一脸不信任仲凶高Ling：“你似系抢开人嘢㖞﹗”高Ling话：“我知我个样似好有杀伤力，不过其实我好易信人﹗”伍姑娘不肯罢休：“你似抢人嘢，成个叶继欢咁拎住支AK47咁扫。”受过情伤的高Ling指从失败中成长：“我觉得系成长经历，我会祝福佢哋。”