中女扮少女 35岁傅颖狂晒ipad身材

傅颖趁住六一国际儿童节，喺IG以长文发表童真论，讲完一大轮都唔知佢噏乜，不过上载咗两张懒有仙气慨露罅相，应该系想话畀大家知佢keep得好好，一啲都唔似35岁啩！

撰文：东方新地

为庆祝六一国际儿童节，傅颖应节上载谷到尽慨小朋友身材，微波微罅派福利。

中女扮少女 35岁傅颖为ipad身材自豪

傅颖发表完一大轮童真论，真系有几多人会明佢讲紧啲乜？

傅颖副ipad身材好易认，不过睇嚟佢就好欣赏自己喇，自恋程度爆晒灯！

九唔答八童真论

出道廿年以来都是非多多，真心好友都唔多个慨傅颖，能够喺圈中生存至今都算系奇迹，日前佢喺IG晒出近照，著住性感小背心，尽骚纤幼四肢同埋仅有慨事业线，从来自我感觉良好慨佢，仲文青上身有感而发，留言指做人应保持童真，佢将自己慨真理化成文字，真系好难解读，唔怪得以前出书都系出绘本多啦！

去年底回流返港慨傅颖，喺电车站影女神相。

另一张喺中环取景，又系Chok爆摆甫士。

回流香港避炎

十年前败走香港北上揾食慨傅颖，早已列入香港娱乐圈失踪人口，点知一个新冠肺炎将佢带返嚟香港，仲话等紧拍ViuTV新剧《熟女强人》，因为饰演一名女同志，所以要积极减肥㖞！印象中傅颖由Cookies到依家都系ipad身材，平胸兼S身形欠奉，最杀食都系一双白滑美腿，近年佢返国内发展，连个样都变得国内化。

傅颖喺IG贴出修身成果对比照，声称经日夜勤力锻炼下，由52kg跌至45.9kg，唔止腰部线条出番晒嚟，腹部仲开始练出马甲线，佢撰长文：“年初开始的减肥之路走到今天，刚好3个月，左边的是去年7/8月在瑞士旅游时拍下的，哈哈哈哈哈，当时也是因为看到自己这么肥，忍不住要拍下来，心想能养到自己这种身材的女演员，心到底有多大才能做得到。”

成功将体重减至45kg，傅颖分享咗自己的瘦身方法，其中一个好简单，就系多饮水，佢话：“要饮多啲水，先会瘦到㗎～成年人每日饮2000-3000cc，可以加速新陈代谢，原本想买只500ml慨杯方便饮水，结果落错单买咗只800ml，系有啲重咁啰，但以后唔洗再斟咁多转。”

扮专家教人减肥

傅颖减得嗰十磅八磅就自封减肥专家，不时喺IG自拍骚身材，展示减肥成果，佢话自己全靠努力做运动再配合饮食去减肥，鬼唔知阿妈系女人，仲话要多饮水，斋饮水唔食嘢一定瘦啦！

返港后傅颖立誓要减肥，仲同自己讲今年要瘦成仙女一样，咁啱识咗健身教练Karl，经过三个月一对一操练，变成依家慨佢㖞！

呢张相完全张傅颖慨ipad身材表露无遗，唔少网民都嫌佢太瘦冇睇头。

练出马甲线慨傅颖沾沾自喜，不时喺IG晒线。

健身变习惯

傅颖表示只系行咗一小段路咋，佢话减肥之路仲有一辈子要走，以前佢会话：“减肥系女艺人慨终身事业。”依家慨佢会话：“我要将健康饮食同健身变成习惯，而呢个习惯将会戒不掉☺️。”其实依家潮流兴童颜巨乳，蜜桃胸同蜜桃臀先至受欢迎，傅颖不如谂方法练大个胸先讲啦！瘦到零脂肪有鬼用咩？

傅颖自制低脂香蕉沙冰，拎住条蕉拍短片，学人做KOL。

出道廿年都系食老本，傅颖不时出po大晒性感女神相，keep住一班忠实铁粉。

露腰姣po尽出，35岁傅颖以为自己影紧写真。

头发湿湿解开裤头，傅颖一副战斗格。

睡衣look露白滑美腿，唔睇样都似少女慨！

当年卜卜脆慨傅颖，喺Cookies中既唔系颜值担当又唔系身材担当，32A身材冇睇头，歌艺同舞技同样麻麻，能够捱到今时今日，究竟系凭甚么呢？

延伸阅读：

2021年香港公众假期攻略+假期日历；明年4个红日在周六！

#SailormoonReDraw“月野兔之乱！”全球插画师恶搞《美少女战士》 、香港画师参战！