填词界捞偏 反而有得做
自称“文化烂仔”慨梁柏坚，早年醉心填恶搞歌词，比起派台慨作品，出自佢手笔慨恶搞歌，例如《富士康下》、《钢炮是怎样现形的》等，反而更多人识。小肥早前慨派台歌《讲呢啲》系佢近期慨得意之作，歌词见尽呢位烂仔创作人慨尖酸风格，譬如：“问答好似好有point，但系废到飞起 ”，又或者“乱咁讲嘢都有like，几废都照like”。老实讲，好多时佢慨歌词都道出港人慨心声，即系我地会心谂，但唔会讲出口嗰啲呢，你懂的。
梁柏坚唔写爱情，选择以社会时事为下笔题材，词风贱格抵死、港味十足，反而写写下又俾佢揾到自己独特风格，间中更以粤语口语填词搞搞新意思，其实喺情歌氾滥慨本地乐坛里面有一种专属慨玩嘢词风，未尝唔系一件好事。
广东话似辣椒又似卤味
2009 年黄伟文为李彩华填慨《你唔爱我啦》，系梁柏坚认为较有代表性慨一个粤语口语歌作品。“粤语口语歌并唔系所有歌手都啱唱，啱唔啱其实唔关声底事，反而歌手慨形象断定左佢能唔能够驾驭呢类歌，温柔斯文慨公子哥儿就未必 handle 到喇。用口语填词慨歌大多数都玩味性质较重，raw raw 地，感觉亲切同时又阴湿衰格。如果用口语填浪漫情歌，就会好似周星驰慨搞笑歌咁，嗰种慢歌应有慨柔情比较难体现。”话毕，梁柏坚即席表演将热门情歌《木纹》口语化，唔通话“用一个斧头劈落黎（难以用斧头一劈）……
Text > Mercy Lo
Photo >Michael Wong
想睇晒成篇故仔，快啲去买本136期5月号《men’s uno》
本文来自men's uno 男士时尚杂志系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！